عدد الرسائل : 2589 رقم العضوية : 1 تاريخ التسجيل : 17/01/2008
موضوع: الرومانسيه بين الفن الجميل والحاضر 22.01.08 23:03
زمااااااان كان ايام عبد الحليم الرومانسيه كان ليها معانى كتيرة وكبيرة وكان الناس بتحب بعضها بجد قووووووى قووى وكان فى حاجه اسمها حب حقيقى بجد والولد بيعرف يخاف على البنت ويحافظ على شعورها كنت اسمع ان زمان لو فى بنت فى الشارع بتتعاكس يقوموولاد الشارع يمسكوا الولد اللى عمل كدة يقطعوة لكن دلوقتى لو بنت ماشيه بطريقه مش لطيفه تلاقى الشارع كله بيعاكسها الجيران كلها وامه لا اله الا الله كلها بتعاكس فيها زمان لايمكن كنت تقدر تسمع لفظ خارج يجرح لمسامع اى بنت ولكن الان او دلوقتى اى كلام ممكن البنت تسمعه واحتمال كمان ترددة بس من ناحيه الرومانسيه بقى الواحد كان بيقوم وينام على كلمات اغانى عبد الحليم اللى مليانه حب فى حب وصحيح وحقيقى كلها كلام نظيف كلام بيخرج من القلب بيوصل للقلب بسرعه بس عيبها الوحيد انها طويله قوووووووووووى واوفر وزيادة عن الازم وياسلام لو بيغنوا فى حفله تلاقى الكوبليه بيتعاد ميه مرة لغايه ما تنام جمبهم وانت قاعد تعالى اسمع الاغانى دلوقتى فى مطربين اصواتهم حلوة واغانيهم كمان حلوة برومانسيه برضو وكلام حلو وكل حاجه بس الازمه ان اللى بيسمع الجديد ميعرفش يسمع القديم والعكس لانه فى اختلاف اجيال وتفكير ولغه كل جيل وله اسلوبه اللى بيعبر بيه عن نفسه يعنى مثلا كان ممكن زمان ولد عايز يقول للبنت اللى بيحبها انه بيحبها تلقيه ملبوخ كدة وخايف وقلقان مش عارف يقولها ازاى انه بيحبها اما دلوقتى رساله sms هتوصل المعلومه ببساطه مثلا انا بحبك مش يقعد ميه سنه على ما يقولها غير كدة كمان الواحد وهو بيسمع اى اغنيه قديمه بيبقى مبسوط لانها بتعبر عن الحب بس بحس انههما بيعبروا عنه بصعوبه بكلام كبير وضخم وصعب كدة عارفه فى كتير منكم هيقولهان دى اللغه بتاعه وقتها بس من وجهه نظرى حاليا التعبير عن الحب اسهل واسرع واحلى من زمان حت فى كلمات الاغانى الحب حاليا سهل وبسيط رغم انى من الناس اللى بتسمع عبد الحليم الا انى بحس انك لازم تبقى فى مود معين علشان تعرف تسمعه وتعيش معاة الحاله اللى بيغنيها غير اى اغنيه جديدة ممكن تسمعها وانت فى اى مود بقى مش محتاج لا ضلمه ولا شموع ولا الكلام دة كله فى عز البرد اللى احنا فيه دة فى كل الاحوال الحب واحد فى جميع المجتمعات مهما اختلفت طريقه التعبير عنه والاسلوب اللى بنعبر بيه بس فى كل الاحوال الحب هو الحب واى ان كان طريقه تعبيرك عنه فا الحب فى جميع الازمان والاماكن واحد
.gif)
.gif)
.gif)
